剝智慧齒係唔少人都會經歷嘅口腔手術，而術後嘅飲食安排對於恢復好重要。深圳博愛曙光醫院口腔科醫生提醒，剝智慧齒後嘅24至48小時係關鍵恢復期，揀啱食物可以減少傷口出血同腫脹嘅風險，仲可以加快癒合。

術後頭幾日建議食啲咩？
剝完智慧齒後，傷口需要時間癒合，所以最好選擇柔軟、易消化、唔會刺激傷口嘅食物。例如：
– 凍嘅流質食物：雪糕、乳酪、凍豆花，可以幫助減輕腫脹同不適。
– 粥同湯類：南瓜粥、瘦肉粥、魚湯，營養豐富又易入口。
– 軟身食物：蒸蛋、豆腐、薯蓉，避免需要用力咀嚼。

避免食啲咩？
為咗防止傷口感染或者出血，剝智慧齒後要避開以下幾類食物：
– 硬同脆嘅食物：例如餅乾、薯片，容易刮到傷口。
– 辛辣同酸性食物：辣椒、檸檬、醋，會刺激傷口，延遲癒合。
– 過熱嘅食物：熱湯、熱茶，可能增加出血風險。

幾時可以恢復正常飲食？
通常剝智慧齒後3至5日，如果傷口冇異常腫痛，可以慢慢試嚇食番啲軟身嘅固體食物，例如煮到好淋嘅麵或者飯。一星期後，如果恢復順利，就可以逐步回復正常飲食，但都要避免用手術嗰邊大力咀嚼。

深圳博愛曙光醫院口腔科醫生提醒，剝智慧齒後除咗注意飲食，仲要keep住口腔清潔，可以用鹽水輕輕漱口，但避免大力沖洗，以免影響傷口癒合。如果有持續出血、劇痛或者發燒，就要及時返醫院檢查。

深圳博愛曙光醫院-深圳老字號 · 大型綜合醫院，開設港澳國際門診，提供粵語陪診，免費接車等特色港式服務。
地址：深圳市羅湖區寶安北路2088號（萬象食家旁）。